Տեսանյութեր
Լուսանկարներ
Ուկրաինացի գործիչ. «Սամվել Նիգոյանի մահը շոկի մեջ գցեց առաջին հերթին Ուկրաինայի քաղաքացիներին»
«Կոնֆլիկտի զարգացման եւ քաղաքացիական պատերազմի բռնկման սցենարը ոչ Ուկրաինայում է գրված, ոչ էլ Եվրամիությունում»,- Կիեւում տեղի ունեցող բախումների հետագա զարգացման ընթացքի մասին «Հետքի» հարցին ի պատասխան նշել է ուկրաինացի հասարակական-քաղաքական գործիչ Օլեգ Ռիբաչուկը:
Վերջինս «Ռեգիոն» հետազոտական կենտրոնի կազմակերպած հարցուպատասխանի ժամանակ հայ եւ ադրբեջանցի լրագրողներին է ներկայացրել Ուկրաինայում տիրող իրավիճակն ու զարգացումները:
«Հետքի» մեկ այլ հարցին, թե հունվարի 22-ին Գրուշչեւսկի փողոցում հայազգի Սերգեյ (Սամվել) Նիգոյանի սպանությունն ինչ ազդեցություն կունենա ուկրաինական իշխանությունների վրա, եւ որ դեպքում է հնարավոր փոխզիջում, ասել է. «Սամվել Նիգոյանի` Ուկրաինայի մեծ հայրենասերի, Եվրամայդանի ամենաակտիվ մասնակիցներից մեկի մահը շոկի մեջ գցեց առաջին հերթին Ուկրաինայի քաղաքացիներին: Դավոսի միջազգային ֆորումը մեկնարկեց Մայդանում զոհվածների հիշատակը մեկ րոպե լռությամբ հարգելով: Սակայն օտարերկրյա դեսպանների համար երեկ անցկացված բրիֆինգում մեր կառավարությունը նույնիսկ չհիշատակեց անմեղ զոհերի մասին, ինչն անկեղծորեն վրդովվեցրեց փորձառու դիվանագետներին»:
Մեկնաբանություններ (1)
Մեկնաբանել