HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Լիլիթ Նուրիջանյան

«Ակունք» համույթը Վանում ելույթ չունեցավ

Հուլիսի 21-23-ը Վանում անցկացվող Մշակութային երգի եւ պարի փառատոնին ներկա էր նաեւ «Ակունք» հայկական համույթը: Քրդերի կողմից կազմակերպող այս փառատոնն առաջին տարին չէ, որ համույթին հրավիրում է մասնակցելու: Սակայն այս տարի քրդերի եւ թուրքերի միջեւ բախումը կասեցրեց փառատոնի վերջին փուլի անցկացումը:  Կազմակերպիչները ձերբակալվել էին, իսկ բացօթյա համերգի հրապարակում թուրք զինված ուժերի եւ քուրդ բնակիչների միջեւ տեղի ունեցավ բախում:

Այս մասին այսօր լրագրողներին հայտնեցին «Ակունք» համույթի ներկայացուցիչները:

Փառատոնը բաղկացած էր երեք մասից` քայլերթից, Աղթամար կղզու միջոցառումից եւ բացօթյա համերգից: «Ակունք»-ը փայլուն հանդես եկավ առաջին երկու փուլերում: Բանախոսները փաստեցին, որ Վանի քաղաքապետ, ազգությամբ քուրդ Բեկիր Կոյան արդեն որերորդ անգամ իրենց հատուկ վերաբերմունք է ցուցաբերում, նույնիսկ մեջբերեցին վերջինիս խոսքերը.«Դուք այստեղ ոչ թե հյուրի, այլ տիրոջ կարգավիճակով եք»:

«Ակունք»-ին փառատոնին մասնակցելու համար աջակցություն ցուցաբերած ԱԺ ԲՀԿ-ական պատգամավոր Արագած Ախոյանն էլ նշեց, որ Վանի քաղաքապետն իրեն խոստացել է «հաջորդ այցի ժամանակ մեքենայով շրջել հայերի հետ եւ ուսումնասիրել Վարագավանքը, այլ հայկակական պատմական հուշարձանները եւ հնարավորինս վերականգնել դրանք»: 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter