Հայ ազգային կոնգրեսի կենտրոնական գրասենյակը տեղեկացնում է, որ իր գործունեույթունն է սկսել «Եվրոկանչ» զարգացման հասարակական կազմակերպությունը, որի պատվավոր նախագահը ՀՀ հիմնադիր նախագահ և Հայ ազգային կոնգրեսի առաջնորդ Լևոն Տեր- Պետրոսյանն է: Եվրոկանչի առաջնահերթ ծրագրերից է աջակցությունը քաղբանտարկյալների և քաղաքական պատճառով հետապնդվողների ընտանիքներին: Այդ նպատակով «ՀայԷկոնոմ» բանկում բացվել են հաշվեհամարաներ: Կազմակերպությունը կոչ է անում քաղաքացիներին հատկացուներ կատարել այդ բանկային հաշվին, որտեղ գոյացող միջոցներն ամբողջությամբ ուղղվելու են քաղբանտարկյալնների և հետապնդվողների սոցիալական և իրավական աջակցությանը, ինչպես նաև Մարդու իրավունքների Եվրոպական դատարանում նրանց նկատմամբ կայացված ապօրինի վճիռների բողոքարկմանը: «Ձեր ակտիվ մասնակցության շնորհիվ հնարավոր կլինի ոչ միայն թեթևացնել քաղբանտարկյալների ընտանիքների հոգսը, այլև հետևողականորեն հասնել Համաժողովրդական շարժման անդամների արդարացմանն ու ազատմանը», -ասված է հաղորդագրության մեջ: