Երեկ Բաքու կատարած այցի ժամանակ ԵԱԿՀ Մինսկի խմբի ռուսաստանցի համանախագահ Յուրի Մերզլյակովը “Լիդեռ” հեռուստաընկերությանը տված հարցազրույցում հայտարարել է, որ իրենց այցի նպատակն է Ադրբեջանի նախագահի հետ քննարկել մոսկովյան հռչակագրից բխող հետագա քայլերը: Այս մասին տեղեկացնում է Ինտերֆաքս գործակալությունը: Միաժամանակ համանախագահն ընդգծել է, որ կողմերը կարող են ներկայացնել այլ առաջարկներ, որոնք կարող են դրական ազդեցութուն ունենալ հակամարտության լուծման վրա: Ամերիկացի համանախագահ Մեթյու Բրայզան էլ նշել է, որ հակամարտությունը չի կարող լուծվել միակողմանի համաձայնությամբ, անհրաժեշտ է երկկողմանի համաձայնություն: Բայց, ըստ նրա, կոնֆլիկտի լուծումը պետք է սկսվի Ադրբեջանի տարածքային ամբոջականության ապահովումից. “Միայն դրանից հետո կարող են քննարկվել այլ հարցեր”,- ասել է նա: