ԱԺ նախագահ Հովիկ Աբրահամյանը եւ Չինաստանի ժողովրդական հանրապետության Համաչինական ժողովի մշտական նախագահ Ու Բանգոն երեկ փոխըմբռնման, համագործակցության եւ փորձի փոխանակումների հուշագիր են ստորագրել: Հուշագրում կարեւորվել է խորհրդարանների գծով շփումների ակտիվացումը, խորհրդարանների հանձնաժողովների կապերի խորացումը, առեւտրատնտեսական, գյուղատնտեսական, էներգետիկ, կրթական, մշակութային եւ բնապահպանության ոլորտներում օրինաստեղծ փորձի փոխանակումը, բարեկամության խմբերի կապերի զարգացումը: Հուշագրով հաստատվել է երկկողմ հարաբերությունների եւ միջազգային հարաբերությունների ուղղությամբ խորհրդատվությունների եւ դիրքորոշումների համաձայնեցման հետագա խորացման պատրաստակամությունը: Ամրագրվել է երկու խորհրդարանների աշխատակազմերի համագործակցության կարեւորությունը, նաեւ` խորհրդարանների փոխգործողությունը միջազգային հարաբերությունների ուղղությամբ: Երկու խորհրդարանների նախագահները կարեւորել են հուշագրի ստորագրումը, որը առաջինն է երկու խորհրդարանների միջեւ: