«Ոչ ոք այդքան փայլուն չի ծառայել ռեժիմի պահպանմանը, ինչքան Դավիթ Հարությունյանը»,- այսօր Հայացք ակումբում ասաց ՀԱԿ համակարգող Լեւոն Զուրաբյանը` ի պատասխան պատվիրակության հասցեին հնչած մեղադրանքների: Լ. Զուրաբյանը կարծում է, որ նման կշտամբանքները անիմաստ են, քանի որ Դավիթ Հարությունյանը ամեն ինչ արեց, որպեսզի ռեժիմը նպաստավոր ուղիներ որդեգրի. «Այլ հարց է, որ պատվիրակությունը իր ղեկավարի հետ միասին մատը մատին չխփեց հայանպաստ փոփոխություններ կատարելու համար Ղարաբաղին վերաբերող բանաձեւերում»: Ըստ բանախոսի` սա է թույլ տալիս մտածել, որ իշխանությունները պատրաստ են զոհել ամեն ինչ Ղարաբաղի հարցում` ռեժիմը պահպանելու համար: