Տեսանյութեր
Լուսանկարներ
Կառավարությունը կհետաձգի՞ հարկային փոփոխությունների իրականացումը, եթե հասարակությունը պատրաստ չէ
Այսօր կառավարության նիստի ժամանակ վարչապես Տիգրան Սարգսյանը, անդրադառնալով ՀԴՄ-ների ներդրման և առհասարակ հարկային բարեփոխումների առնչությամբ հասարակության արձագանքին, ասաց. "Բոլոր փոփոխությունները, որ իրականացվում են, պետք է մանրակրկիտ ներկայացվեն հանրությանը, քանի որ վերջին փոփոխությունները, որ մենք կատարեցինք, շատ հաճախ առաջացնում էին դժգոհություններ այն պարզ պատճառով, որ մարդիկ տեղեկացված չեն: Երբ մենք հադիպում էինք փոքր և միջին բիզնեսի ներկայացուցիչների, շուկաների կազմակերպիչների և աշխատողների հետ և պարզաբանում էինք բարեփոխումների նպատակը, մեխանիզմները, ստանում էինք աջակցություն:
Վարչապետի մեկնաբանությամբ` դա նշանակում է, որ 2009 թ.-ին հենց այս ոլորտում պետք է մեծ ուշադրություն դարձնել լրատվական ծառայությունների աշխատանքին, պարզաբանումներին, և ավելի շատ ռեսուրսներ են պետք լրատվական ծառայությունների մատուցման համար. "Եթե մենք ինչ-որ փոփոխություններ անում ենք, ապա նախապես պետք է տեղեկացված լինեն բոլորը, ում վերաբերում են այդ փոփոխությւոնները, միայն հետո իրականացնենք դրանք: Եթե մենք տեսնում ենք, որ չենք հասցրել պատրաստել հասարակությանը, ապա երևի ավելի նպատակահարմար է հետաձգել այդ փոփոխությունները, քանի որ հետևանքները հենց այդ պատճառով լինում են բացասական":
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել