ԼՂՀ Նախագահ Բակո Սահակյանի այսօրվա հրամանագրով Վարդան Ասծատրյանը նշանակվել է Նախագահի խորհրդական: Այս մասին տեղեկացնում են նախագահի աշխատակազմի տեղեկատվության գլխավոր վարչությունից: Վարդան Ասծատրյանը նախագահի թվով չորրորդ խորհրդականն է: Մյուս խորհրդականներն են Վիտալի Բալասանյանը (պաշտպանության նախարարի նախկին տեղակալ), Արմեն Իսագուլովը (ոստիկանության նախկին պետ) եւ Մավրիկ Ղուկասյանը (նախկին գլխավոր դատախազ): Ինչպես հայտնում են ԼՂՀ կառավարության տեղեկատվության եւ հասարակայնության հետ կապերի վարչությունից, ԼՂՀ վարչապետ Արա Հարությունյանի որոշմամբ` Մաքսիմ Ալեքսանյանը նշանակվել է ԼՂՀ կառավարությանն առընթեր անշարժ գույքի կադաստրի պետական կոմիտեի նախագահի տեղակալ: Տեղեկացնենք, որ Մաքսիմ Ալեքսանյանը համակարգում աշխատում է արդեն մի քանի տարի եւ մինչեւ նոր նշանակումը զբաղեցնում էր հաշվառման բաժնի պետի պաշտոնը: