Կմասնակցի՞, արդյոք, Ռոբերտ Քոչարյանը ԲՀԿ-ի համագումարին
Փետրվարի 12-ին կայանալու է Բարգավաճ Հայաստան կուսակցության հերթական 4-րդ համագումարը: Այդ մասին խորհրդարանական ճեպազրույցների ժամանակ լրագրողներին տեղեկացրել ԲՀԿ անդամ, պատգամավոր Նաիրա Զուրաբյանը:
Օրակարգի մանրամասները ԲՀԿ խմբակցության քարտուղար Արամ Սաֆարյանը չբացահայտեց. «Հինգ օր մնաց, զինվեք համբերությամբ եւ այդ օրը կստանաք բոլոր հարցերի պատասխանները»,-խորհուրդ տվեց նա:
Արամ Սաֆարյանը ասում է, որ ԲՀԿ համագումարին հրավիրված են խորհրդարանական բոլոր կուսակցությունները, նաեւ Եդինայա Ռոսիա, ուկրաինական Պարտիա ռեգիոնով կուսակցություններից, նաեւ ներկայացուցիչներ Չինաստանից եւ Խորվաթիայից:
Արամ Սաֆարյանը չպատասխանեց հարցին, թե համագումարին հրավիրված է արդյոք Ռոբերտ Քոչարյանը. «Ես չեմ կարող պատասխանել այդ հարցին»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել