Տեսանյութեր
Լուսանկարներ
Եվրահամագործակցությունը հասավ Գյումրի
Մայրաքաղաքում մի շարք քննարկումներ կազմակերպելուց հետո երեկ Եվրամիության կողմից ֆինանսավորվող »Սևծովյան ավազանի երկրների անդրսահմանային համագործակցության» ծրագիրը մանրամասնորեն ներկայացվեց նաև գյումրեցիներին:
Եվ քանի որ 17 միլիոն եվրո արժողությամբ ծրագիրը նախատեսված է շահույթ չհետապնդող, մասնավոր բիզնես չհանդիսացող կազմակերպությունների համար, ուստիև երեկվա հանդիպմանը մեծամասամբ շտապել էին հ/կ-ների ներկայացուցիչներ:
«Մաքսիմալ գիտելիքներ ձեռք բերեք, որպեսզի մաքսիմալ ագրեսիվ լինենք` ի փառս մեր երկրի զարգացման»,- մասնակիցներին ոգևորեց Էկոնոմիկայի փոխնախարար Վահե Դանիելյանը:
Նպատակ ունենալով զարգացման հավասար պայմաններ ապահովել Եվրամիության անդամ հանդիսացող երկրների հասարակական, գիտակրթական, մշակութային ոլորտներում` ծրագիրը նախատեսում է հասարակական կառույցների համատեղ ուժերով միասնական մոդել մշակել ու տեղայնացնել տվյալ երկրում:
Թե ինչ դրական արդյունք կտա այն գյումրեցիներին, դժվար է ասել, սակայն եվրաինտեգրում, եվրոպական արժեքների ներմուծում և այսպիսի բառակապակցությունները նրանց մոտ արդեն իսկ զայրույթ է առաջացնում, քանի որ, ըստ նրանց, «դոմիկների մեջ` նախնադարյան մարդու ապրելակերպով, Եվրոպա ենք գովում»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել