Ինչպես տեղեկացնում է ֆինանսների նախարարության կայքէջը, «Հայաստանի Հանրապետության եւ Ռուսաստանի Դաշնության կառավարությունների միջեւ տեղի ունեցած բանակցությունների արդյունքում երկու երկրների միջեւ նախաստորագրվել է «ՀՀ կառավարության եւ ՌԴ կառարության միջեւ Հայաստանի Հանրապետությանը պետական վարկ տրամադրելու մասին»  համաձայնագիր, համաձայն որի ռուսական կողմը  Հայաստանի Հանրապետությանը կտրամադրի 500.0 մլն ԱՄՆ դոլարի պետական վարկ` ՀՀ տնտեսության վրա համաշխարհային ֆինանսական ճգնաժամի բացասական հետեւանքները չեզոքացնելու նպատակով: Վարկը տրամադրվելու է 15 տարի մարման ժամկետով, որից 4 տարին արտոնյալ է: Նախաստորագրված ֆինանսական համաձայնագիրը չի ենթադրում Հայաստանի Հանրապետության կողմից որեւէ այլ ոչ ֆինանսական պարտավորությունների կատարում, եւ ներկայումս միջազգային ֆինանսական շուկայում ձեւավորված վարկավորման պայմանների համեմատությամբ վարկը տրամադրվելու է մեղմ պայմաններով»: Վարկի տրամադրման պայմանների մասին Հետքի հարցմանը նախարարության մամլո գրասենյակից պատասխանեցին, որ կայքում եղած տեղակատվությունից ավելի ոչինչ ասել չեն կարող: