Ղեկավարը լավ է ղեկավարում , եթե կարողանում է տալ ժամանակային ճիշտ լուծումներ: Արդյո~ք ժամանակին է փողոցային առևտուրը արգելելը և կրպակների ապամոնտոժումը: Քաղաքապետը պետք է հաշվի առնի, թե որ երկրի, որ քաղաքի և վերջապես ինչ մարտահրավերների առջև է կանգնած երկիրն ու ժողովուրդը: Պարոն քաղաքապետ , իջիր և ոտքերտ դիր գետնին, Հայաստանի ուԵրևանի հողին;

Իհարկե լավ է, որ մայրաքաղաքային իշխանությունը ցանկանում է փողոցները բարեկարգել և պատշաճ տեսքի բերել, սակայն հարց է առաջանում ինչ միջոցներով և ինչպես պետք է գոյատևեն այն մարդիկ, որոնք այդ կրպակների միջոցով ապրուստի միջոց էին ստեղծում: Ճիշտ կլիներ, այս հարցը պետական մակարդակով լուծել, նախ` կրպակների քանդման պատճառով առանց աշխատանքի մնացած մարդկանց սոցիալական վիճակը թեթևացնել կամ կառուցել նոր տաղավարներ` առևտրի համար հարմար վայրերում, հետո սկսել քաղաքի էսթետիկ վիճակի մասին մտածել և թույլ չտալ , որ մայրաքաղաքային իշխանությունը իր հայեցողությամբ և պատկերացմամբ իրագործեր` առանց մարդկանց սոցիալական վիճակը հաշվի առնելու: