Ի՞նչ է սպասվում «Դինո Գոլդ Մայնինգ Քամփնի»` Կապանի նախկին լեռնահարստացման կոմբինատին: Ըստ ՀՀ էներգետիկայի ու բնական պաշարների նախարար Արմեն Մովսիսյանի՝ շարունակվում են բանակցություններն ինչպես ձեռնարկության տնօրինության, այնպես էլ սեփականատերերի հետ:

«Ծրագիր է կազմված, ներկայացված տնօրենների խորհրդին, առայժմ կրճատումներ չեն լինի, կոմբինատը նույն կարգավիճակով կաշխատի ևս մեկ ամիս: Այդ ընթացքում կճշտվեն ուղղություններն ու համոզված եմ, որ կապանցիները աշխատանք կունեան: «Դինո Գոլդ Մայնինգ Քամփնի»-ի սեփականատերերը պատրաստ են ներդրումներ անելու»,-ասաց նախարարը` ավելացնելով, որ ինքը լավատես է, ու մեկ ամիս հետո արդեն կհայտարարվի, որ Կապանի կոմբինատը ևս կշարունակի աշխատանքը: