Մարտի 14-ին տեղի է ունեցել ՀՀ Փաստաբանների պալատի տարեկան ժողովը, որի ժամանակ ընտրվել են նաեւ պալատի ղեկավար մարմինները: Փաստաբանների պալատի հանրային պաշտպանի գրասենյակի ղեկավար է ընտրվել փաստաբան Մասիս Ղազանչյանը` 4 տարի ժամանակով: Պալատի խորհրդի 11 անդամներից վերընտրվել են 6-ը` Արա Զոհրաբյան, Հայկ Ալումյան, Մելանյա Առուստամյան, Նիկոլայ Բաղդասարյան, Նիկոլայ Հակոբյան, Հայաստան Ստեփանյան: Խորհուրդը համալրվել է եւս 5 փաստաբաններով, որոնք առաջին անգամ են ընդգրկվում պալատի կառույցներում` Կարեն Մեժլումյան, Հրայր Ղուկասյան, Կարինե Խաչատրյան, Սուսաննա Մխիթարյան եւ Սիմոն Բաբայան: