Այսօր Կենտրոն և Նորք Մարաշ առաջին ատյանի դատարանում պետք է շարունակվեր «Յոթի գործ»-ի քննությունը, սակայն, ինչպես և խոստացել էին, պաշտպանները չէին ներկայացել դատարան: Դատավոր Մնացական Մարտիրոսյանը 30 րոպե ընդմիջում հայտարարեց դատական նիստի հետագա շարունակության վերաբերյալ որոշում կայացնելու համար: Ընդմիջումից հետո դատավորը պաշտպանների նկատմամբ կիրառեց դատական սանկցիա` դատարանի նկատմամբ անհարգալից վերաբերմունք ցուցաբերելու համար և փաստաբանների նկատմամբ կարգապահական վարույթ իրականացնելու միջնորդությամբ դիմեց Փաստաբանների պալատի խորհրդին: Նիստը հետաձգեց մինչը մարտի 23-ը, ժամը 12:00-ն: