Հատուկ դպրոցներ դիվանագետների երեխաների համար
Արտաքին գործերի նախարար Էդվարդ Նալբանդյանը Կառավարության նիստին ներկայացրեց ԱՄՆ-ի եւ Հայաստանի Կառավարությունների միջեւ կնքվելիք Երեւանի միջազգային դպրոցների կարգավիճակի մասին կնքված համաձայնագրի նպատակները:
«Նպատակն է միջազգային չափանիշներին համապխատասխան կազմակերպել անգլերեն լեզվի ուսուցում, որը հնարավորություն կընձեռի Հայաստանում հավատարմագրված դիվանագիտական անձնակազմի երեխաներին շարունակել իրենց ուսումը»: Նախարարը առաջարկեց, որպեսզի դպրոցը ազատ տեղեր ունենալու պարագայում ազատ լինի այն մարդկանց համար, ովքեր ցանկություն ունեն ԱՄՆ-ի ուսումնական պլանի վրա հիմնված ծրագրին:
Վարչապետը տեղեկացրեց, որ նախարարական կոմիտեում քննարկել են հարցը եւ պայմանավորվել են, որ դպրոցում սովորելու են միայն օտարերկրյա քաղաքացիները:
Կառավարությունը հավանություն տվեց համաձայնագիրը ստորագրելու նախագծին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել