«Լինելու է շատ ակտիվ քարոզարշավ, լինելու է ոչ միայն հանրահավաք ու երթ, այլ լինելու են հանրահավաքներ և երթեր։ Հայ ազգային կոնգրեսը ունենալու է շատ մոբիլիզացված, շատ դինամիկ, շատ էներգիայով լի քարոզարշավ»,-այսօր Հայացք ակումբում լրագրողներին վստահեցրել է ՀԱԿ-ի մամլո խոսնակ Արման Մուսինյանը: Իսկ թե ինչքանով է քարոզարշավի ընթացքին  մասնակցելու Լեւոն Տեր-Պետրոսյանը, մամլո խոսնակը պատասխանեց. «Որոշ դրվագներին, բնականաբար, անպայման կմասնակցի, միգուցե լինեն դրվագներ, որտեղ կմասնակցի միայն կոնգրեսը»: Նա տեղեկացրել է, որ ՀԱԿ-ը կծավալի քննարկումներ և կկայացնի որոշումների շարք, որոնք կվերաբերեն նախընտրական քարոզարշավին, կառուցվածքային հարցերին, ինչպես նաև շտաբի պետի ընտրությանը։