Շուշիի քաղաքապետի` մարտի 29-ին կայացած ընտրությունների արդյունքների բողոքարկման գործընթացը կարծես թե ավարտվեց, չնայած որ չընտրված թեկնածու Ալբերտ Խաչատրյանը պատրաստվում էր շարունակել պայքարը: Շուշիի շրջանի տարածքային ընտրական հանձնաժողովի նախագահ Վաչիկ Զաքարյանը Հետքին տեղեկացրեց, որ քվեաթերթիկների վերահաշվարկից հետո,  սահմանված ժամկետում, այսինքն մինչեւ ապրիլի 3-ի ժամը 18:00-ն հանձնաժողովին որեւէ բողոք չի ներկայացվել: Հիշեցնենք, որ վերահաշվարկի արդյունքներով, Կարեն Ավագիմյանի օգտին քվեարկել են 779 ընտրող, իսկ Ալբերտ Խաչատրյանի օգտին` 774 ընտրող: