«Բազմաթիվ պատճառներ թույլ են տալիս ինձ ասել, որ Հայաստանում նոր ատոմակայան կառուցելն ամենալավ լուծումը չէ Հայաստանի համար»,- այսօր հրավիրած ասուլիսի ժամանակ նշեց Եվրոպական խորհրդարանի անդամ Մարի Անն Իզլեր Բեգենը: Որպես Հայաստան-ԵՄ ԽՀՀ համանախագահ՝ արդեն տասը տարի նա փորձում է իր տեսակետի ճշմարտացիությունը ապացուցել նաեւ Եվրոպայի խորհրդարանում: «Բազմաթիվ պատճառներ կան. նախ՝ Հայաստանը գտնվում է սեյսմիկ գոտում, երկրորդ՝ ուրանը եւ այլ էներգակիրներ անսպառ չեն, մի  կարեւոր հարց էլ կա` թափոնների հարցը, որտե՞ղ դրանք պահել, որտե՞ղ թափել, որովհետեւ դրանք միշտ կարող են ունենալ բացասական ազդեցություն մարդկանց վրա: Այս պատճառներով ես գտնում եմ, որ պետք է գտնել այլ հնարավորություններ»,- նշեց Մարի Անն Իզլեր Բեգենը: Նա հավանություն է տալիս ԱՄՆ նախագահ Բարաք Օբամայի առաջարկին` օգտագործել արեւի էներգիան. «Հորդորում եմ մեկնել Կալիֆոռնիա, տեսնել, թե ինչպիսի փորձի փոխանակում կարելի է անել այս առումով»: