Րաֆֆի Հովհաննիսյանը ԵԽԽՎ Հայաստանի խորհրդարանի պատվիրակության կազմում իր տեղը զիջել է խմբակցության անդամ Զարուհի Փոստանջյանին, իսկ ՆԱՏՕ խորհրդարանական վեհաժողովի Հայաստանի պատվիրակության կազմում` «Ժառանգության» մեկ այլ անդամի` Ստեփան Սաֆարյանին: Այս մասին այսօր «Փաստարկ» ակումբում հայտարարել է «Ժառանգություն» խմբակցության ղեկավար Արմեն Մարտիրոսյանը` վկայակոչելով «Ժառանգություն» խմբակցության համապատասխան որոշումը և Րաֆֆի Հովհաննիսյանի դիմումը: Արմեն Մարիտրոսյանն այդ մասին արդեն տեղյակ է պահել ԱԺ նախագահ Հովիկ Աբրահամյանին: