Արմեն Ռուստամյանը կշարունակի ղեկավարել ԱԺ արտաքին հարաբերությունների հարցերի մշտական հանձնաժողովի նախագահի պաշտոնը, իսկ Արթուր Աղաբեկյանը՝ ԱԺ պաշտպանության, ազգային անվտանգության և ներքին գործերի հանձնաժովի նախագահի պաշտոնը: «Լինելով ընդդիմություն՝ կողմ ենք եւ պայքարելու ենք, որպեսզի ընդդիմությունը ավելի ու ավելի հակակշռման եւ զսպման մեխանիզմներ ունենա՝ աշխատելով իշխանության հետ: Ուժեղ ընդդիմությունը ուժեղացնում է նաեւ պետականությունը: Մենք ընդունում ենք կոալիցիայի առաջարկությունը, եւ մեր ֆրակցիայի անդամները կշարունակեն իրենց աշխատանքը որպես ԱԺ հանձնաժողովների ղեկավարներ»,- այսօր ԱԺ-ում ասել է ԱԺ ՀՅԴ խմբակցության ղեկավար Վահան Հովհաննիսյանը: