Այսօր ժամը 10-ից, Կոտայքի մարզի Աբովյան քաղաքի 261, 262, 267 համարի երթուղային տաքսիները եւ 259 համարի երթուղին սպասարկող ավտոբուսները չեն գործում: Աբովյանում ապրող «Հետքի» աշխատակիցը հայտնում է, որ եթե մինչ այս պահը Երեւան շտապողները կարող էին օգտվել գոնե տաքսիներից, ապա հիմա տաքսու վարորդները նույնպես հրաժարվում են ուղեւորվել մայրաքաղաք: Մեր աշխատակցի փոխանցմամբ` ճանապարհներին պետավտոտեսչության կամ ոստիկանության աշխատակիցներ  չկան: Դրանք, ուղղակի իմաստով` փակ չեն: Հավանաբար, ինչպես նախորդ դեպքերում, երբ Հայ ազգային կոնգրեսը հանրահավաք էր կազմակերպում, այսօր նույնպես գծատերերին եւ տաքսի ծառայությունների ղեկավարներին  պարզապես հանձնարարվել է ուղեւորներին Երեւան չտեղափոխել: Ոստիկանության մամլո ծառայությունից «Հետքին» ասացին, որ խնդրից տեղյակ չեն: Բայց խոստացան պարզաբանում ներկայացնել փոքր ինչ ուշ: