Քաղաքապետի դաշնակցական թեկնածու Արծվիկ Մինասյանը «Հետքի» հետ հեռախոսազրույցում ասաց, որ ինքը մինչ այժմ խոշոր խախտումների մասին չի տեղեկացել. «Կան որոշ խախտումներ, բայց դրանք, իմ կարծիքով, չեն ազդի ընտրությունների ելքի վրա: Անձնագրի պատճենով քվեարկումը, կարծում եմ, լուրջ խխատում չէ»: Արծվիկ Մինասյանն ասաց, որ լուրջ խախտումների դեպքում իրենք կփորձեն դրանք կանխել: Ըստ նրա` միկրոավտոբուսներով մարդկանց ընտրատեղամասեր տանելը իրավական առումով խախտում չէ, բայց իրենք բազմիցս փորձել են պայքարել այդ ձեւի դեմ: