ԼՂՀ նախագահ Բակո Սահակյանը հունիսի 15-ին հրամանագիր է ստորագրել Լեռնիկ Հակոբյանին մշակույթի եւ երիտասարդության հարցերի նախարարի պաշտոնից ազատելու մասին` իր դիմումի համաձայն: Նախագահի մեկ այլ հրամանագրով մշակույթի եւ երիտասարդության հարցերի նախարար է նշանակվել Նարինե Աղաբալյանը: Տեղեկացնենք, որ Նարինե Աղաբալյանը երկար տարիներ աշխատել է Արցախի հանրային հեռուստատեսությունում, Հայաստանի հանրային հեռուստատեսության թղթակիցն է Ղարաբաղում, ինչպես նաեւ Ղարաբաղում գործող «Ծիր կաթին» գովազդային ընկերության ղեկավարը: Ի դեպ, Ղարաբաղի 12 նախարարներից Նարինե Աղաբալյանը 4-րդ կին նախարարն է:  Կանայք են նաեւ արդարադատության, քաղաքաշինության եւ սոցապահովության նախարարները: