Այսօր Աբովյանի ընդհանուր իրավասության դատարանում տեղի է ունեցել Սասուն Միքայելյանի դատավճռի հրապարակումը, համաձայն որի` Սասուն Միքայելյանն ազատազրկվել է 8 տարով: Դրսում` ոստիկանները շրջապատել են դատարանի շենքը` թույլ չտալով դատարանի դահլիճ մտնել Ս. Միքայելյանի հարազատներին ու բարեկամներին, նրա համախոհներին ու համագյուղացիներին: Դատարանի դահլիճ չեն թողել նաև արդեն ազատության մեջ գտնվող և այնտեղ ժամանած Մյասնիկ Մալխասյանին, Հակոբ Հակոբյանին, Ալեքսանդր Արզումանյանին և Սուրեն Սիրունյանին: Դատարանի դահլիճից Ս. Միքայելյանին տեղափոխու ժամանակ բանտարկյալի համախոհները պառկել են Միքայելյանին դատարանից տեղափոխող մեքենայի ճանապարհին ու վանկարկել` «Ո՞ւր եք տանում մեր հերոսին»: Որպեսզի մեքենան անցնի, ճանապարհը մեծ դժվարությամբ և ոստիկանական ուժերով բացել են, և մեքենան հազիվ կարողացել է հեռանալ դատարանից: Լուսանկարը` Գագիկ Շամշյանի