Հունիսի 22-ին, ժամը 23-ից 23.30-ի սահմաններում Արմավիր-Էջմիածին ավտոճանապարհի 15-րդ կմ-ի գյուղի հատվածում, գերազանցելով սահմանված արագությունը, մայթեզրի ծառերի մեջ է մխրճվել BMW մակնիշի 11 LS 602 համարանիշի ավտոմեքենան: Հարվածի հետեւանքով ծառը արմատախիլ է եղել, իսկ մեքենան գլորվել է ձորը:

Վարորդը`«Որոգայթ» հեռուստասերիալի դերասան, 35-ամյա Գեղամ Ղանդիլյանը  (Գոքոր), նույն ֆիլմց` 36-ամյա Արամ Միսկարյանը  (Գարիկ), տեղում մահացել են, իսկ օպերատոր Էդգար Տեր-Աբրահամյանին մարմնական ծանր վնասվածքներով ու բազմաթիվ կոտրվածքներով տեղափոխել են Էջմիածնի հիվանդանոց: Հիվանդանոցի տնօրեն Վաչագան Մկրտչյանը տեղեկացրեց, որ թեև վիրահատությունը հաջող է անցել, բայց հիվանդի վիճակը գնահատվում է ծանր: Վթարի փաստի առիթով ոստիկանության Էջմիածնի բաժնում հարուցվել է քրեական գործ: Հայկուշ Ասլանյան, լուս.` Գագիկ Շամշյանի