Հուլիսի 22-ին նշանակվել է «Միասնական Ջավախք» ժողովրդավարական դաշինքի առաջնորդ Վահագն Չախալյանի վերաքննիչ բողոքի դատալսումը: Նիստը նախագահելու է դատավորը Թամարա Ալանիան: Հիշեցնենք, որ Ախալցխայի շրջանային դատարանը, դատավոր Ցիրա Մայսուրաձեի նախագահությամբ, Վահագն Չախալյանին դատապարտեց 10 տարի ազատազրկման: Վ. Չախալյանի պաշտպանները դիմել են Վերաքննիչ դատարան` բողոքարկելու առաջին ատյանի դատավճիռը: Հունիսի 30-ին նշանակված է նաև Վահագն Չախալյանի գործում ընդգրկվելու պահանջով ֆրնսահայ փաստաբան Պատրիկ Արապյանի դիմումի մերժման բողոքարկման վերջին նիստը, որտեղ դատավորը պետք է հրապարակի որոշումը: Վերաքննիչ դատարանի որոշումը հրապարակելուց հետո Պատրիկ Արապյանի շահերը դատարանում ներկայացնող Նինո Անդրիաշվիլին նախատեսում է մամուլի ասուլիս հրավիրել: Նա նաև պատրաստակամություն է հայտնել` պաշտպանել Վահագն Չախալյանի շահերը Վերաքննիչ դատարանում: