Տեսանյութեր
Լուսանկարներ
15 դատապարտյալ ավարտական վկայական է ստացել
«Արթիկ» քրեակատարողական հիմնարկում այս տարի իրենց ավարտական վկայականները ստացան 15 դատապարտյալ: Ավարտելով միջնակարգ դպրոցը` մի քանի դատապարտյալներ ցանկություն են հայտնել շարունակել իրենց ուսումը և ստանալ բարձրագույն կրթություն:
«Արթիկ» քրեակատարողական հիմնարկում օրերս տեղի է ունեցել միջնակարգ դպրոցի ավարտական վկայականների հանձմնան արարողություն: «Արթիկ» քրեակատարողական հիմնարկում արդեն 50 տարի է, ինչ գործում է միջնակարգ դպրոց, որը հնարավորություն է տալիս դատապարտյալներին ստանալ միջնակարգ կրթություն կամ շարունակել իրենց կիսատ թողած ուսումը միջնակարգ դպրոցում:
Մի շարք քրեակատարողական հիմնարկներում ևս գործում են միջնակարգ դպրոցներ, որտեղ կարող են ուսում ստանալ դատապարտյալները:
Քրեակատարողական ծառայությունը հույս է հայտնում, որ տարեցտարի կրթություն ստանալ ցանկացողների թիվը կավելանա, ինչը մեծապես կնպաստի ոչ միայն ծառայության առջև դրված նպատակների իրականացմանը, այլև դատապաարտյալների ուղղմանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել