Համանախագահները դարձյալ չեկան Ղարաբաղ
ԵԱՀԿ Մինսկի խմբի համանախագահներն այս անգամ էլ չեկան Ղարաբաղ, չնայած, ըստ նախնական պայմանավորվածության, այսօր ժամը 12:00-ին նրանք պետք է հանդիպեին ԼՂՀ նախագահ Բակո Սահակյանի հետ:
Ինչպես մեզ տեղեկացրեցին նախագահի աշխատակազմի տեղեկատվության գլխավոր վարչությունից, համանախագահները չեն գալիս եղանակային ոչ բարենպաստ պայմանների պատճառով:
Հիշեցնենք, որ համանախագահների` տարածաշրջան կատարած նախորդ այցելության ժամանակ` մայիսի վերջին, նրանք նույնպես չեն եկել Ղարաբաղ` դարձյալ եղանակային պայմանների պատճառով: Հարկ է նկատել նաեւ, որ համանախագահները ոչ միշտ են ուղղաթիռով գալիս, եղել են նաեւ դեպքեր, երբ նրանք ավտոմեքենաներով են հասել Ղարաբաղ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել