Լրագրողները երեկ հնարավորություն ունեցան Կոկտեյլի  ժամանակ շփվել եւ հարցազրույցներ անցկացնել «Ոսկե ծիրան» փառատոնին մասնակից ռեժիսորների եւ կինոգործիչների հետ: Սակայն լրագրողներն այնքան շատ էին, որ հյուրերն առանձին հարցազրույցներ չէին համաձայնում տալ: Ներկայացնում ենք Ֆրանսիահայ պրոդյուսեր, Ֆրանսիայի պրոդյուսերների ասոցիացիայի նախագահ Ալեն Թերզյանի հետ մի  քանի լրագրողների զրույցը: «Ոսկե Ծիրան» կինոփառատոնի վերաբերյալ ի՞նչ կարծիք ունեք: Հսկա ֆեստիվալ է: Իսկ ֆեստիվալի նախագահը հսկա մարդ մըն է եւ  շատ աղվոր եւ պետքական գործ մը կընե: Կըհուսամ , որ ամեն տարի ավելի ու ավելի շատ կլսինք  «Ոսկե ծիրան»-ի պատմությունը:  Ես շատ հպարտ եմ, որ այս ֆեստիվալին կմասնակցիմ: Երեկվա ֆիլմից հետո կարծիքները կիսվեցին. Ոմանք ասացին, որ այն արատավորում է հայի անունը, ոմանք էլ գոհ էին հետաքրքիր ֆիլմի համար: Շատ պատմություններ կան, որտեղ իտալացիները գանգստերներ են, իրական գանգստերներ.լինի այդ պատմությունը ԱՄՆ-ում, թե Եվրոպայում: Դուն կասե՞ս, թե ամբողջ Իտալիան գանգստեր է: Ո՛չ, դրանք ուղղակի պատմություններ են, պատկերներ են եւ նույն պատմությունն էլ  Մալաքյանների  ընտանիքի մասին է: Նրանք գաղթել էին Ֆրանսիա, եւ խնդիր ունեին գոյատեւելու: Ամեն մարդ ունի իր ճամփեն, որով կարող է առաջ գնալ: Ամենքն ալ գիտեն, որ հայերը մաքուր են, շիտակ են: Ինչպիսի՞ն է Հայաստանը: Ասկե հրաշալի երկիր է: Սա երազ է, երկիր չէ: Ես գործիս համար ամբողջ աշխարհով գատցել եմ: Եվ առաջին անգամ մը այդչափ բարի, խելացի, անուշ, աշխատասեր ժողովուրդ մը կտենամ: Մե՛ծ մամա, նայե՛, մեր հողն եմ: Շատ հպարտ եմ, որ հոս եմ: Հայաստանում իրագործելիք նախագծեր ունե՞ք: Դեռ չէ: Այս ամենն ինձ համար դեռ նոր է: Եվ կինոյի մեջ ապագայի մասին կմտածես երեք-չորս տարվա ընթացքում: Չես կարող ըսել` վաղը ինչ պիտի ընեմ: Ձեր զավակները ի՞նչ տպավորություն ունեն Հայաստանի վերաբերյալ: Օ~…Այսօր շատ-շատ հպարտ էին, Էդուարդ Նալբանդյանի մոտ ճաշի էինք հրավիրված: Եվ շատ-շատ ուրախ էին: Երբ դուրս եկան, ընկերները հեռաձայնեցին, իրենք էլ հպարտանում էին:Ալեքսանդր եւ Անտոն` իմ որդիները: Ե՞րբ եք մեկնում Ֆրանսիա: Դժբախտաբար երկու օրեն: Համա շուտ պիտի հետ գամ` երեք օրեն (ծիծաղում է): Ձեզի պես անուշիկները եթե հոս ըլլան, ստիպված կըլլամ երեք օրեն հետ գալ: