Ըստ նախնական տվյալների` «Կասպիան ավիաուղիներին» պատկանող «ՏՈՒ-154» մակնիշի Թեհրան-Երեւան ինքնաթիռի վթարը տեղի է ունեցել շարժիչում բռնկված հրդեհի պատճառով: Հարկադիր վայրէջք կատարելիս` ինքնաթիռը բախվել է գետնին, ինչի հետեւանքով տեղի է ունեցել պայթյուն: Ինքնաթիռի մեջ գտնվող, Հայաստանի, Իրանի Իսլամական եւ Վրաստանի Հանրապետությունների քաղաքացիներ հանդիսացող բոլոր, թվով 153 ուղեւորներն ու ինքնաթիռի 16 հոգանոց անձնակազմը համարվում են զոհված:  Այս մասին հայտնում է ՀՀ արտակարգ իրավիճակների նախարարության Հայաստանի փրկարար ծառայության տեղեկատվության եւ հասարակայնության հետ կապերի բաժինը: