«Հետքն» այսօր փորձեց Արտաքին գործերի նախարարարությունից պարզել, թե ինչո՞ւ  են երեկ Ստեփանակարետում լրագրողների հետ հանդիպման ժամանակ Էդվարդ Նալբանդյանին ուղղված հարցերի փոխարեն պաշտոնական հաղորդագրությունում այլ հարցեր տարածել: Մեր հարցերին պատասխանեց ԱԳՆ մամուլի խոսնակ Տիգրան Բալայանը: Պարոն Բալայան, «Հետքի» Արցախի թղթակիցը պահպանել է Նալդանդյանի եւ լրագրողների հարցուպատասխանի ձայնագրությունը, որը չի համապատասխանում Ձեր տարածած հաղորդագրությանը: Ինչպե՞ս եք բացատրում այս փաստը: Համոզվա՞ծ եք, որ միայն այդ լրագրողներին է հանդիպել նախարարը Ղարաբաղում: Այդ դեպքում միգուցե Դուք հաղորդագրություն տարածեիք, որ նախարարը լրագրողների երկու տարբեր խմբերի է հանդիպել: Չէ, կարիք չեմ տեսնում տարածելու, որովհետեւ գրած է, որ լրագրողների հետ ճեպազրույց է ունեցել: Ո՞ր լրատվամիջոցների լրագրողների հետ է հանդիպել: Լրագրողներ էին: Որտե՞ղ եւ ե՞րբ է հանդիպումը տեղի ունեցել: Ղարաբաղում, Ստեփանակերտում: Կոնկրետ ե՞րբ, կարո՞ղ եք ժամը նշել: Չէ, հիմա չեմ հիշում` կոնկրետ որ ժամին: Իսկ ինչպե՞ս կբացատրեք այն, որ նախարարը նույն օրը լրագրողների երկու տարբեր խմբերի հետ է հանդիպել: Հանդիպել է, խոսել են, էլի լրագրողներ են մոտեցել, պատասխանել է հարցերին: Բայց նախարարին մոտենալն ու լրագրողների հետ հատուկ հանդիպելը տարբեր բաներ են: Նախագահականի մոտ հանդիպում է եղել եւ այլ հանդիպում է եղել: Կոնկրետ որտե՞ղ: Ստեփանակերտում: Եթե երկրորդ հանդիպում եղել է,  ինչո՞ւ մեր թղթակիցը չի մասնակցել դրան: Իրենից հարցրեք` ինչո՞ւ չեն հրավիրել իրեն: «Հետքի» թղթակից Անահիտ Դանիելյանը հայտնում է, որ լրագրողների հետ հանդիպումից անմիջապես հետո նախարար Էդվարդ Նալբանդյանը գնացել է ճաշի, որից հետո էլ վերադարձել է Երեւան: Իսկ նրա երկրորդ հանդիպման մասին, եթե, իհարկե, այն իսկապես կայացել է, լրագրողներին չեն տեղեկացրել: