Զարուհի Փոստանջյանի հաղորդագրության ապագան անհայտ է
«Հետքը» տեղեկացրել է, որ ՀՀ գլխավոր դատախազությունը հուլիսի 7-ին ստացել է ԱԺ պատգամավոր Զարուհի Փոստանջյանի հաղորդագրությունը հանցագործության մասին:
Դրանով Փոստանջյանն իրավապահներին տեղեկացրել է, որ «Ազատամտություն» թերթն իր մասին զրպարտող եւ վիրավորող տեղեկություններ է տարածել` խախտելով քրեական օրենսգրքի 135 եւ 136 հոդվածները:
Գլխավոր դատախազության մամուլի քարտուղար Սոնա Տռուզյանը «Հետքին» հայտնեց, որ պատգամավորի հաղորդագրությունը ուղարկել են ոստիկանություն. «Նրանք պետք է որ ստացած լինեն հաղորդագրությունը»:
Երեկ կեսօրին ոստիկանությունիղ փորձեցինք պարզել` արդյո՞ք Փոստանջյանի հաղորդագրության հիման վրա հարուցվել է քրեական գործ, թե՞ ոչ:
Սակայն լրատվական վարչության աշխատակիցներին մինչեւ աշխատանքային օրվա ավարտը չհաջողվեց գտնել Փոստանջյանի հաղորդագրությունը:
Նշենք, որ հանցագործության մասին հաղորդագրություն ստանալուց առնվազն 10 օր անց քննիչները պարտավոր են ընթացք տալ գործին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել