Տեսանյութեր
Լուսանկարներ
Ս. Աստվածածնի Վերափոխման տոնը նշել են հնդկահայ համայնքում
Կալկաթայի Հայոց Մարդասիրական ճեմարանը տեղեկացնում է, որ Ս. Աստվածածնի Վերափոխման տոնի օրը` օգոստոսի 16-ը, նշանակալից էր հնդկահայ համայնքի և Մարդասիրական ճեմարանի սաների համար: Հնդկահայ համայնքում խաղողօրհնության տոնը ընդունված է որպես Սեյդաբադի Ս. Աստվածածին եկեղեցու ուխտի օր: Այս առիթով կրկին ուխտագնացություն էր կազմակերպվել դեպի երբեմնի հայաշատ այս վայրը, որտեղ և մատուցվեց Սուրբ և անմահ պատարագ:
Օրվա պատարագիչն էր արժանապատիվ Տ. Ավետիս քհն. Համբարձումյանը: Հավարտ Ս. Պատարագի, Հայոց Եկեղեցու ընկալեալ ավանդության համաձայն, կատարվեց խաղողօրհնության արարողություն, ավարտին պատարագիչ Տեր Հայրը հավուր պատշաճի քարոզ խոսեց` մեկնելով օրվա խորհուրդը և ջերմորեն շնորհավորելով ներկաներին հիշարժան օրվա կապակցությամբ, այնուհետև օրհնված խաղողի ողկույզները բաժանվեցին ներկա բազմությանը: Արարողությանը ներկա էին համայնքի անդամները, Մարդասիրական ճեմարանի սաները, ուսուցիչները և հյուրեր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել