Տեսանյութեր
Լուսանկարներ
Նշանակվել է ԵԱՀԿ Մինսկի խմբի հաջորդ համանախագահը
Դեսպան Ռոբերտ Բրաթքը նշանակվել է ԵԱՀԿ Մինսկի խմբի հաջորդ համանախագահ: Այս մասին հայտնում է ԱՄՆ պետդեպարտամենտը:
Դեսպան Բրաթքը ավելի քան 36 տարվա փորձ ունի արտաքին դիվանագիտության ոլորտում, ինչպես նաև եվրոպական անվտանգության քաղաքականության բնագավառում: 2006 թ.-ից մինչ այս տարվա հուլիս նա աշխատել է որպես ԱՄՆ դեսպան Խորվաթիայում:
«Միացյալ Նահանգները գիտակցում է, թե որքան մեծ նշանակություն ունի Լեռնային Ղարաբաղի հակամարտության խաղաղ կարգավորումը: Մենք ողջունում ենք վերջերս ծավալված կառուցողական երկխոսությունը Հայաստանի նախագահ Սարգսյանի և Ադրբեջանի նախագահ Ալիևի միջև»,- նշում է պետդեպարտամենտը:
Պետդեպարտամենը տեղեկացնում է, որ Հայաստանի և Ադրբեջանի կառավարություններին հայտնել է դեսպան Բրաթքի նշանակման մասին:
Ռոբերտ Բրաթքը տիրապետում է ֆրանսերեն, գերմաներեն, ռուսերեն, իտալերեն և խորվաթերեն լեզուներին:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել