Մի շարք հասարակական կազմակերպությունների եւ նախաձեռնող խմբերի կողմից իրականացվող «Ճիշտ քարտեզ»-ի ակցիային այսօր արձագանքել է «Հ2» հեռուստաընկերությունը` հավաստիացնելով, որ ներկա դրությամբ հենց այդ խնդրով են զբաղվում: Հիշեցնենք, որ երեկ նախաձեռնողները հաղորդագրություն էին տարածել, որում տեղեկացրել էին սեպտեմբերի 3-ը ՀՀ եւ ԼՂՀ ճիշտ քարտեզի օր  նշելու մասին, ինչպես նաեւ ընդգծել, որ այսօր էլ կան որոշ պետական եւ ոչ պետական կառույցներ, որոնք կիրառում են ոչ ճիշտ քարտեզներ` այդ թվում եւ «Հ2» հեռուստաընկերությունն ու ՀՀ գյուղնախարարության պաշտոնական կայքը՝ http://www.minagro.am/am/index.php?page=main

Նախաձեռնության ներկայացուցիչ Հարություն Ծատրյանն այսօր եղել է  «Հ2»-ում, որտեղ նրան ընդունել է հեռուստաընկերության ներկայացուցիչ  Կարեն Հակոբյանը եւ խոստացել մինչեւ սեպտեմբերի վերջ խնդիրը լուծել: Նա հավաստիացրել է, որ դա ընդամենը տեխնիկական հարց է, եւ իրենք եւս շահագրգռված են այդ խնդրի լուծմամբ: Գյուղնախարարությունը դեռեւս չի արձագանքել:

Ակցիային աջակցելու եւ լուսաբանելու համար հատուկ շնորհակալություն zham.am, mardik.am, tert.am, hetq.am, zlm.am, 7or.am, news.am, slaq.am, lragir.am, hraparak.am, times.am, emedia.am եւ այլ լրատվամիջոցներին: 

Նախաձեռնության հեղինակներ`

«Ժառանգ» մշակութային ՀԿ

«Արմատ» մամուլի ակումբ

«Հայրենապաշտ» ՀԿ

«ՀայՖոն» նախաձեռնություն

Times.am լրատվական գործակալություն

Voskanapat.info տեղեկատվական-վերլուծական կենտրոն

«Ռազմավարական մշակումների կենտրոն» ՀԿ