Արցախի քաղաքական ուժերը մտահոգված են հայ-թուրքական հարաբերությունների զարգացմամբ
Մեր տվյալներով` երեկ ՀՅԴ Արցախի կենտրոնական կոմիտեի նախաձեռնությամբ Դաշնակցության գրասենյակում հավաքվել էին Արցախի խորհրդարանական եւ արտախորհրդարանական կուսակցությունների ներկայացուցիչները, ովքեր քննարկել են հայ-թուրքական հարաբերությունների զարգացման ներկայիս փուլին եւ Ղարաբաղյան հակամարտության վրա այդ հարաբերությունների հնարավոր ազդեցությանը վերաբերող մի շարք հարցեր:
Քաղաքական ուժերի ներկայացուցիչներն արտահայտել են իրենց մտահոգությունները` ղարաբաղյան հիմնախնդրի կարգավորման վրա վերոնշյալ հարաբերությունների ազդեցության վերաբերյալ, ինչպես նաեւ ներկայացրել որոշ առաջարկներ:
Ի դեպ, վերոնշյալ հանդիպումը փակ էր, սակայն, մեր տվյալներով, նման քննարկումները կշարունակվեն, եւ չի բացառվում, որ դրանք կլինեն հրապարակային:
Հետքը փորձեց որոշ պարզաբանումներ ստանալ Արցախի կենտրոնական կոմիտեի ներկայացուցիչ Դավիթ Իշխանյանից, սակայն վերջինս նախընտրեց չմանրամասնել` հիմնավորելով, որ հանդիպումը փակ էր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել