Այսպիսի պատասխան տվեց մեզ արտգործնախարարի մամուլի խոսնակ Տիգրան Բալայանը Հիշեցնենք, որ երեկ Թուրքիայի արտգործնախարար Ահմեդ Դավութօղլին, հայ-թուրքական արձանագրությունները Մեջլիսում ներկայացնելիս, նշել է, թե անցած ամիս մի ռազմական խումբ, գնալով Լաչին, ուսումնասիրել է Լաչինը, եւ քննարկել, թե հարցի լուծման ժամանակ միջազգային իրավունքով ինչ ծավալ է ունենալու Լաչինի միջանցքը:  «Սա, ինչպես նշում են մեր ադրբեջանցի եղբայրները, շատ կարեւոր քայլ է եւ տանում է հարցի լուծմանը»,-ասել է Դավութօղլին: «Հետքը» փորձեց պարզաբանումներ ստանալ նաև ՀՀ արտաքին գործերի նախարարությունից:  «Մենք առիթ ունեցել ենք մի քանի անգամ ասելու, որ որևէիցե խումբ Լաչինի միջանցք չի այցելել որևիցե հետազոտություն անցկացնելու նպատակով»,-ասաց ՀՀ ԱԳՆ մամուլի խոսնակ Տիգրան Բալայանը: Հարցին, թե այդ դեպքում Դավութօղլուի հայտարարությունը սուտ տեղեկատվություն է պարունակում, Տիգրան Բալայանը խորհուրդ տվեց այդ հարցով դիմել Արցախի իշխանություններին.  «Լաչինի միջանցքը գտնվում է Լեռնային Ղաբաղի իշխանությունների իրավասության տակ, այդ հարցի կապակցությամբ դիմենք Արցախի իշխանություններին»: