Ինչպես հաղորդում է թուրքական «Հյուրիեթը»-ը, Թուրքիայի մշակույթի և տուրիզմի նախարարն ասել է, որ Վանա լճի Աղթամար կղզում գտնվող Սուրբ Խաչ եկեղեցին տարին մեկ անգամ կբացվի աղոթքի համար, և ինչպես խոստացել են` խաչը կտեղադրվի եկեղեցու գմբեթին: Էրթողրուլ Գյունայը հայտարարել է, որ ինքը կապի մեջ է եղել հայաստանցի տարբեր պաշտոնյաների հետ` կապված Անիի ավերակները համատեղ վերականգնելու առաջարկի հետ, և հնարավոր է, որ նա մոտ ապագայում այցելի Հայաստան այս նախագծի մանրամասների քննարկումն ավարտին հասցնելու համար: