Կապանի համայնքի ավագանու անդամ,«Ազատամարտ» կոմիտեի նախագահ Խորեն Հարությունյանը մտադիր  նախաձեռնել ակցիա` մարզում ուրանի հանքերի շահագործման դեմ: Խորեն Հարությունյանը պատրաստ է բոլորի մտահոգությունը հասցնել իշխանություններին: Նա դիմելու է  բոլոր ՀԿ-ներին, կուսակցություններին` միանալու ակցիային: «Սկսել եմ նախապատրաստական փուլը: Առաջիկայում պատրաստի  հայտարարության տեքստը ուղարկելու ենք բոլորին: Բոլորս էլ պարտավոր ենք մտածել մեր մեր երեխաների առողջության մասին»,-ասաց Խորեն Հարությունյանը:   Նա մտադիր է կազմակերպել քայլարշավներ, քննարկումներ: «Մեր ձայնը պետք է լսելի լինի իշխանություններին»,-ասաց Խ. Հարությունյանը` հավելելով, որ առաջիկայում հանդես կգա մամուլի ասուլիսով: