«Ամերիկացիները` Արցախին» (Americans for Artsakh) կազմակերպությունը  Վաշինգթոնում Հայաստանի դեսպանատանը  անց է կացրել միջոցառում` նվիրված  Հայաստանում եւ Արցախում տեղի  ունեցող իրադարձությունների մասին տեղեկացվածության ակտիվացմանը: Ինչպես հայտնում են, ԼՂՀ արտգործնախարարության մամուլի ծառայությունից, ԱՄՆ-ում  ԼՂՀ մշտական ներկայացուցիչ Ռոբերտ Ավետիսյանը ներկայացրել է ղարաբաղյան հակամարտության պատմությունը եւ հանրապետությունում առկա ներկա իրավիճակը: Միջոցառմանը նշվել է, որ այսօր Կովկասը նշանակալի  տեղ է զբաղեցնում միջազգային քաղաքական կյանքում եւ շատ կարեւոր է հանրության հանգամանալի տեղեկացվածությունը Արցախի մասին, որպեսզի սատարեն նրան`պահպանելու իր ուժն ու նույնականությունը: «Ամերիկացիները` Արցախին» կազմակերպության գործադիր տնօրեն Սառա Լյուդվիգը ներկաներին տեղեկացրել է իրենց նախագծերի մասին, նշելով, որ նախատեսվում է ԼՂՀ-ում անցկացնել թրենինգներ` կառավարական կառույցների աշխատակիցների, երիտասարդ առաջնորդների եւ այլ խմբերի համար: