Երևանի թիվ 10 ընտրատարածքում հունվարի 10-ին կայանալիք լրացուցիչ ընտրություններում Ազգային ժողովի պատգամավորի թեկնածու առաջադրվելու համար մնացել են հաշված ժամեր: Ինչպես «Հետքին» հայտնեցին ԿԸՀ մամլո ծառայությունից, եթե մինչև 18:00-ն որևէ մեկը չառաջադրի իր թեկնածությունը, կամ արդեն առաջադրվածներից ոչ ոք ինքնաբացարկ չհայտնի, ընտրապայքարի դուրս կգան 4 հոգի: Նրանք են. «Հայկական ժամանակ» օրաթերթի գլխավոր խմբագիր Նիկոլ Փաշինյանը, Քաղաքագետների միության նախագահ Հմայակ Հովհաննիսյանը, մարքսիստ Դավիթ Հակոբյանը և «Ազգային միաբանությունից» Արա Սիմոնյանը: Հիշեցնենք, որ նախօրեին դերասան Վլադիմիր Կոստանյանը հայտարարեց, որ ընտրություններին չի մասնակցելու: