Այսօր «Հետքի» խմբագրություն զանգահարած քաղաքացիները հայտնեցին, որ ականատես են եղել, թե ինչպես են Երեւանի Բուսաբանական այգու գաղտնի մուտքերից հատված ծառեր հեռացվում: Քաղաքացիները չներկայացան` պատճառաբանելով, որ չեն ցանկանում խնդիրներ ունենալ ծառահատների կամ այգու տնօրինության հետ: Իսկ Բուսաբանության ինստիտուտի տնօրեն Ժիրայր Վարդանյանը «Հետքի» հետ զրույցում ասաց, թե նման բան հնարավոր չէ: «Միգուցե ինչ-որ ճյուղեր են կտրել, բայց որ ծառեր հատեին ու դուրս բերեին, դա չի կարող պատահել»,- ասում է Վարդանյանը: Ինստիտուտի փոխտնօրեն Գագիկ Մովսիսյանին եւս տարօրինակ թվաց քաղաքացիների հայտնած տեղեկությունները, սակայն նա խոստացավ, որ կստուգի նշված տարածքն եւ ավելի ուշ կհաղորդի` հատված ծառեր հայտնաբերվել են, թե ոչ: