Կենտրոնական ընտրական հանձնաժողովը հրապարակել է երեկ թիվ 10 ընտրատարածքում կայացած Ազգային ժողովի պատգամավորության ընտրությունների արդյունքների` այս պահի դրությամբ ստացված տվյալները: Երեկ իրենց քաղաքացիական պարտքն են կատարել 13 հազար 385 ընտրողներ, որոնց կեսից ավելին` 7622-ը, ընտրել է «Ազգային միաբանություն» կուսակցության ներկայացուցիչ Արա Սիմոնյանին: Հայ ազգային կոնգրեսը ներկայացնող Նիկոլ Փաշինյանին օգտին քվեարկել են 5023 քաղաքացիներ, իսկ Հայաստանի մարքսիստական կուսակցության ղեկավար Դավիթ Հակոբյանին ձայն են տվել ընտրություններին մասնակցած քաղաքացիների մոտ 2 տոկոսը` 299 ձայն: Անվավեր են ճանաչվել օգտագործված քվեաթերթիկներից 438-ը: