Տեսանյութեր
Լուսանկարներ
Սահմանադրական դատարանի դիմաց «արձանագրություններ» են այրում
Այս պահին սահմանադրական դատարանը քննում է հայ-թուրքական արձանագրությունների համապատասխանելիությունը ՀՀ Սահմանադրությանը, իսկ դատարանի շենքի դիմաց բազմաթիվ քաղաքացիներ խորհրդանշական «արձանագրություններ» են այրում` ի նշան անհամաձայնության:
«Ժառանգություն» կուսակցությունը, Հայ Յեղափոխական Դաշնակցությունն ու մի քանի հասարակական կազմակերպությունների անդամներ հավաքվել են Սահմանադրական դատարանի դիմաց` պաստառները ձեռքներին, որպեսզի կոչ անեն մերժել հայ-թուրքական արձանագրությունների վավերացումը:
Քաղաքացիական համազգեստով մի տղամարդ խլել եւ պատռել է ԱԺ պատգամավոր Զարուհի Փոստանջյանի ձեռքի պաստառը, որի վրա պատկերված են եղել արձանագրությունների «պատասխանատուները»`
ՀՀ նախագահը, Գլխավոր դատախազը, վարչապետը, Ազգային անվտանգության ծառայության պետը, ոստիկանապետը, ՍԴ նախագահը: Բողոքի ակցիայի մասնակիցներին աչալուրջ հսկում են մոտ 50 ոստիկաններ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել