Այսօր սրտի կաթվածից մահացել է ՀՀ կենտրոնական ընտրական հանձնաժողովի (ԿԸՀ) նախագահ Գարեգին Ազարյանը:

Հիշեցնենք, որ նա այս տարվա հուլիսի 14-ին վերընտրվել էր ԿԸՀ նախագահի պաշտոնում: 

Համաձայն ԿԸՀ-ի պաշտոնական կայքում տեղադրված կենսագրականի՝ Գ. Ազարյանը ծնվել է 1961թ. ապրիլի 12-ին Երեւանում: 

1986թ. ավարտել է Երեւանի պոլիտեխնիկական ինստիտուտը: 
1979-1981թթ. ծառայել է Խորհրդային բանակում:
1982-1986թթ. աշխատել է «Երքաղլույս» ձեռնարկությունում, նախ որպես ինժեներ, ապա` բաժնի պետ:
1986-1992թթ. աշխատել է Մաշտոցի շրջխորհրդի գործկոմում որպես տեսուչ, ավագ տեսուչ, բաժնի պետ:
1992-1995թթ.` «Հելփ» ՍՊԸ-ի փոխտնօրեն: 
1995-1996թթ.` ՀՀ տարածքային կառավարման նախարարի աշխատակազմի ղեկավար: 
1996-1997թթ.` Երեւանի Մաշտոցի շրջանի ղեկավար: 
1997թ. աշխատել է ՀՀ Ազգային ժողովում որպես ավագ խորհրդատու:
2000-2003թթ. ՀՀ արդարադատության նախարարության իրավաբանական անձանց պետական ռեգիստրում զբաղեցրել է բաժնի պետի պաշտոն:
2003թ. հուլիսից մինչ օրս զբաղեցնում է ՀՀ կենտրոնական ընտրական հանձնաժողովի նախագահի պաշտոնը: Արդարադատության 2-րդ դասի խորհրդական է: 
2008-2009թթ. եղել է Եվրոպայի ընտրական իշխանությունների ընկերակցության նախագահ:
Ամուսնացած է, ունի 2 երեխա: