Տեսանյութեր
Լուսանկարներ
Վերաօծվեց Ախալցխայի շրջանի Ծիրա գյուղի եկեղեցին
Այսօր Ախալցխայի Ծիրա գյուղում Վիրահայոց թեմի առաջնորդ Վազգեն եպիսկոպոս Միրզախանյանի գլխավորությամբ տեղի է ունեցել Սբ. Հրեշտակապետաց (Սբ . Գևորգ ) եկեղեցու վերաօծման արարողությունը, որից հետո եկեղեցում մատուցվել է անդրանիկ պատարագը:
Եկեղեցու բակում ծիրացիների հետ միասին Վիրահայոց թեմի առաջնորդ Տ. Վազգեն եպիսկոպոս Միրզախանյանին, Սամցխե-Ջավախքի առաջնորդական փոխանորդ Բաբկեն աբեղա Սալբյանին և Վիրահայուց թեմի ողջ քահանայական անձնակազմին իրենց ազգային պարերով ու երգերով դիմավորեցին Ախալցխայի հայակական երիտասարդական կրթա-մշակութային կենտրոնի սաները:
Վերաօծման արարողությանը ներկա էր նաև Ղազախստանից ժամանած գործարար Ալեքսանդր Մաթևոսյանը, որի նյութական օժանդակությամբէլ վերանորոգվել է Սբ. Հրեշտակապետաց եկեղեցին: Եկեղեցու վերանորոգման աշխատանքները սկսվել էին դեռևս 90-ական թվականերին, որի ընթացքում վերանորոգվել էր եկեղեցու տանիքը:
Ծիրա գյուղի բնակիչ Լևոն Մաթևոսյանի նախաձեռնությամբ 2007թ. գարնանից Սբ. Հրեշտակապետաց (Սբ. Գևորգ) եկեղեցու վերանորգման աշխատանքները նոր թափ են ստացել: Ինչպես տեղեկացնում է «Ախալցխայի վերածնունդ» կայքը, վերանորոգվել է եկեղեցու հատակը, բարեկարգվել է եկեղեցու ներքին ու արտաքին տեսքը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել