Այսօր Էրեբունի և Նուբարաշեն վարչական շրջանների ընդհանուր իրավասության դատարանում պետք է քննվեր Նուբարաշենի թիվ 11 հատուկ դպրոցի նախկին ուսուցիչ Լևոն Ավագյանի գործով դատական նիստը, որը հետաձգվեց, քանի որ գործով տուժող ճանաչված դպրոցի նախկին սաների փաստաբանները ցանկանում են ծանոթանալ քրեական գործի նյութերին: Դատական հաջորդ նիստը նշանակվեց մայիսի 12-ին, ժամը 12:00-ին: Հիշեցնենք, որ Լեւոն Ավագյանը մեղադրվում է Քրեական օրենսգրքի 142-րդ հոդվածի 2-րդ մասով` Նուբարաշենի թիվ 11 հատուկ դպրոցի նախկին սաների նկատմամբ բռնությամբ անառակաբարո գործողություններ կատարելու մեջ: Լուսանկարը` Գագիկ Շամշյանի