Մայիսի 17-ին Արագածոտնի մարզից տեղեկություն է ստացվել, որ ժամը 17.00-ից 17.30-ի սահմաններում տեղացած ուժեղ անձրևի և կարկուտի հետևանքով Աշտարակ քաղաքում, Կարբի  և Օհանավան գյուղերում վնասվել են պտղատու այգիներ: Ժամը 19.00-ից 20.00-ի սահմաններում Աշտարակ քաղաքում և Փարպի գյուղում քամու հետևանքով շրջվել են էլ.սյուներ, պոկվել է գյուղի դպրոցի տանիքը: Հոսանքազրկվել են Աշտարակ քաղաքը և Փարպի գյուղը` մասամբ: Աշտարակ քաղաքի էլ.ցանցի վթարավերականգնողական խումբը նախաձեռնել է միջոցառումներ: Ինչպես տեղեկացնում է ԱԻՆ Հայաստանի փրկարար ծառայության լրատվական կենտրոնը, այսօր, ժամը 08.00-ի դրությամբ վերականգնվել է Աշտարակ քաղաքի էլ.մատակարարումը մոտ 90 տոկոսով: Աշխատանքները շարունակվում են: