Տեսանյութեր
Լուսանկարներ
Քննարկվեց ՀՀ-ում բնակվող իրաքահայերի ինտեգրման հայեցակարգից բխող միջոցառումների ցանկը
Երեկ ՀՀ սփյուռքի նախարարությունում կայացավ Հայաստանի Հանրապետությունում բնակվող իրաքահայերի ինտեգրմանն ուղղված ծրագրերի մշակման և միջոցառումների իրականացման աշխատանքները համակարգող խորհրդի նիստ:
ՀՀ սփյուռքի փոխնախարար Ստեփան Պետրոսյանը ներկայացնելով խնդիրը` նշեց, որ Իրաքում պատերազմական իրավիճակի հետևանքով հայերի զգալի մասը ստիպված էր լքել երկիրը: Իրաքից արտագաղթող հայերի մի հատվածը բնակություն հաստատեց Հայաստանի Հանրապետությունում: Ներկայումս Հայաստանում բնակվում են մոտ 750 իրաքահայեր: Հասարակությանը իրաքահայերի ինտեգրումը բարդ և երկարաժամկետ գործընթաց է, որի իրականացումը պահանջում է իրավական, կազմակերպչական, տնտեսական և այլ լուծումներ:
Այնուհետև քննարկվեց Հայաստանի Հանրապետությունում բնակվող իրաքահայերի ինտեգրման հայեցակարգից բխող միջոցառումների ցանկը:
Որոշվեց, որ յուրաքանչյուր նախարարություն մինչև օգոստոսի 15-ը կկազմի և համակարգող խորհրդին կներկայացնի իրաքահայերի ինտեգրման հայեցակարգից բխող միջոցառումների շրջանակներում իր անելիքների ծրագիրը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել